Novas
Cargando...
, , , , ,

International Week 2018

Share on Google Plus


A Facultade de Ciencias Empresariais e Turismo do campus de Ourense celebra dende o luns 9 e ata o venres 13 de abril a súa xa tradicional International Week, que permite ás e aos seus estudantes compartir actividades académicas e lúdicas con alumnado e profesorado estranxeiro. A cita máis internacional deste centro cumpre este curso a súa oitava edición acadando a participación de 110 estudantes propios, 12 da Universidade de Bremerhaven, en Alemaña, e 15 docentes de diferentes países da Unión Europea.
Manuel Fernández, vicerreitor de Extensión Universitaria e Relacións Internacionais da Universidade de Vigo; Elena Rivo, decana da Facultade de Ciencias Empresariais e Turismo, e Elena de Prada, responsable de Internacionalización deste centro, foron as e o encargo de dar a benvida ás e aos participantes neste edición. 
Ao longo da semana, o alumnado inscrito participa nun amplo abano de conferencias e actividades lúdicas. 12 profesores e profesoras de universidades de Alemaña, Bélxica, Hungría, Portugal, Francia e Finlandia presentarán aos asistentes as súas liñas de especialización en diferentes eidos, desde o comportamento do consumidor de viño ata os dereitos dos pasaxeiros e pasaxeiras na Unión Europea. 
O primeiro en arrancar este panel de conferencias foi Gerhard Feldmeier, vicerreitor da Universidade de Bremerhaven, que falou sobre tendencias actuais no mercado global. O vicerreitor alemán comezou a súa intervención amosando a súa satisfacción por estar un ano máis “na súa segunda casa” e lembrando como esta International Week forma parte dunha intensa relación entre a súa institución académica e a viguesa, que comparten un grao internacional en Administración e Dirección de Empresas pola Universidade de Bremerhaven e pola Facultade de Ciencias Empresariais e Turismo do campus de Ourense. 
Se Gerhard Feldmeier representa ao profesorado que ano a ano repite nesta International Week, Laurence Messina, profesora da Universidade de Helmo, en Bélxica, é unha das novas incorporacións, que acode por primeira vez a Ourense co obxectivo de “coñecer como traballan outros profesores e ver a posibilidade de traer na vindeira edición a estudantes da miña universidade a este centro”. 


Entradas relacionadas

0 comentarios

Séguenos no Facebook